Toshkentda avtobus va 2 mashina ishtirokida YTH bo‘ldi

Kecha, 8 dekabr kuni Toshkent shahrida yo‘lovchi avtobus va ikki mashina yo‘l-transport hodisasi sodir yetdi. Bu haqda IIBB Yo‘l harakati xavfsizligi boshqarmasi xabar berdi.

Ma’lum qilinishicha, holat Yunusobod tumani Bobodehqon ko‘chasida sodir bo‘lgan. 2002 yilda tug‘ilgan T.R. boshqaruvidagi Tracker-2, 1965 yilda tug‘ilgan M.A. boshqaruvidagi Matiz va 1966 yilda tug‘ilgan X.Sh. boshqaruvidagi YUTONG rusumli avtobus o‘zaro to‘qnashgan.

YTH oqibatida Tracker-2 rusumli avtomashina haydovchisi va bir nafar yo‘lovchisiga birinchi tibbiy yordam ko‘rsatish maqsadida shifoxonaga olib ketilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.

Eslatib o‘tamiz, avvalroq Toshkent shahar Yunusobod tumanida Matiz beton to‘siqqa to‘qnashib, yonib ketgandi. Yong‘in tuman FVB xodimlari tomonidan bartaraf etilgan. YTH oqibatida tan jarohat olganlar bo‘lmagan.