Toshkentda avtobus Spark bilan to‘qnashdi
3-sahifa
−
11 avgust 2023 3901
Bugun, 10 avgust kuni poytaxt Toshkentning Uchtepa tumanida avtobus va yengil rusumdagi mashina ishtirokida yo‘l-transport hodisasi yuz berdi. Bu haqda shahar IIBB Yo‘l harakati xavfsizligi boshqarmasi axborot xizmati xabar berdi.
Qayd etilishicha, 10 avgust kuni soat 16:20 larda Uchtepa tumani TXAY - Poygoh ko‘chalari kesishmasida 1963 yilda tug‘ilgan A.T. boshqaruvidagi Yutong avtobusi hamda 1989 yilda tug‘ilgan R.B.ga tegishli Spark mashinalari ishtirokida yo‘l transport hodisasi sodir bo‘lgan.
“YTH oqibatida jarohat olganlar yo‘q. Holat yuzasidan Toshkent shahar Ichki ishlar bosh boshqarmasi YHXB mas’ul xodimlari tomonidan surishtiruv harakatlari olib borilmoqda”, deyiladi xabarda.
Eslatib o‘tamiz, joriy yilning 15 iyun kuni Toshkent shahri Mirzo Ulug‘bek tumanida ISUZU rusumli avtobus va Lacetti avtomobili ishtirokida sodir bo‘lgan YTH oqibatida bir kishi vafot etgan edi.
