Toshkent viloyatida 9-sinf o‘quvchisi kanalda cho‘kib ketdi
3-sahifa
−
05 iyun 2023 9064
Toshkent viloyati Yangiyo‘l shahrida 16 yoshli yigit kanalda cho‘kib ketdi. Bu haqda Bosh prokuratura matbuot kotibi Hayot Shamsutdinov QALAMPIR.UZ'ga ma’lum qildi.
Joriy yilning 3 iyun kuni soat 14:00 lar atrofida Yangiyo‘l shahar “Ishchilar shaharchasi” mahallasida yashovchi 2007 yilda tug‘ilgan M.P. mazkur hududdan oqib o‘tuvchi “Jo‘n Ariq” kanalida o‘rtoqlari bilan cho‘milayotgan vaqtda cho‘kib ketgan.
Yigit hududdagi 5-sonli maktabning 9-sinf o‘quvchisi bo‘lgan.
Ma’lum qilinishicha, bolaning jasadi kecha, 4 iyun kuni topilgan.
Cho‘kish holatlari
Joriy yilning 25 may kuni Katta Farg‘ona kanalida maktab bitiruvchisi oqib ketgandi. Oradan 9 kun o‘tib, 3 iyun kuni uning jasadi topildi.
Shuningdek, Samarqand viloyatidagi Zarafshon daryosiga 3 nafar voyaga yetmagan bola cho‘kib ketgandi. Ularning faqat bittasini murdasi topilgan.
Bundan tashqari, Andijonda 20 yoshli yigit kanalga tushib ketgan sevgan qizini qutqaraman deb cho‘kib ketgandi.
Live
Barchasi
