Тошкент вилоятида 9-синф ўқувчиси каналда чўкиб кетди

3-саҳифа

−

05 Июнь 2023 visibility10535 timer1 дақиқа

Тошкент вилояти Янгийўл шаҳрида 16 ёшли йигит каналда чўкиб кетди. Бу ҳақда Бош прокуратура матбуот котиби Ҳаёт Шамсутдинов QALAMPIR.UZ'га маълум қилди.

Жорий йилнинг 3 июнь куни соат 14:00 лар атрофида Янгийўл шаҳар “Ишчилар шаҳарчаси” маҳалласида яшовчи 2007 йилда туғилган М.П. мазкур ҳудуддан оқиб ўтувчи “Жўн Ариқ” каналида ўртоқлари билан чўмилаётган вақтда чўкиб кетган.

Йигит ҳудуддаги 5-сонли мактабнинг 9-синф ўқувчиси бўлган.

Маълум қилинишича, боланинг жасади кеча, 4 июнь куни топилган.

Чўкиш ҳолатлари

Жорий йилнинг 25 май куни Катта Фарғона каналида мактаб битирувчиси оқиб кетганди. Орадан 9 кун ўтиб, 3 июнь куни унинг жасади топилди.

Шунингдек, Самарқанд вилоятидаги Зарафшон дарёсига 3 нафар вояга етмаган бола чўкиб кетганди. Уларнинг фақат биттасини мурдаси топилган.

Бундан ташқари, Андижонда 20 ёшли йигит каналга тушиб кетган севган қизини қутқараман деб чўкиб кетганди.

Мақола муаллифи