Tokio-2020: Yoqutxon Xolbekovaga medal uchun 1 sm yetmadi
Sport
−
29 avgust 2021 3353
Bugun, 29 avgust kuni para yengil atletikaning T12 klassida ayollar o‘rtasida uzunlikka sakrash bo‘yicha final bahslari o‘zbekistonlik Yoqutxon Xolbekova ham ishtirok etdi.
Qiziqarli va murosasiz kechgan bahs natijalariga ko‘ra, Xolbekova 5,32 metr natija bilan 4-o‘rinni egalladi. E’tiborlisi, medal qo‘lga kiritishi uchun unga 1 santimetr yetishmadi. Boisi, 3-o‘rinni egallagan jazoirlik Linda Xamri 5,33 metr natija qayd etdi.
Eslatib o‘tamiz, ayollar o‘rtasida T11 klassida uzunlikka sakrash bahslarida ishtirok etgan o‘zbekistonlik Asila Mirzayorova 4,89 metr natija ko‘rsatgan holda 2-o‘rinni egallab, kumush medalga sazovor bo‘lgandi.
Ma’lumot uchun, Yoqutxon Xolbekova 2018 yil Shimoliy Koreyaning Pxyongchxan shahrida o‘tkazilgan qishki Paralimpiya o‘yinlarida ham ishtirok etgan.
Live
Barchasi
