“Taxtaqoracha” dovoni yopildi

Jamiyat

−

19 yanvar 2022 visibility10965 timer1 daqiqa

Samarqand va Qashqadaryo viloyatlarini bog‘lovchi “Taxtaqoracha” dovonida ko‘p miqdorda qor yog‘gani sababli turli ko‘ngilsiz hodisalarning oldini olish maqsadida avtotransport vositalarining harakati vaqtincha to‘xtatildi.

Yo‘l harakati xavfsizligi bosh boshqarmasining ma’lum qilishicha, yo‘llarni qordan tozalash, muzlamalarni bartaraf qilish maqsadida qum-tuz aralashmasini sepish ishlari amalga oshirilmoqda.

Ma’lumotlarga ko‘ra, A-373 "Toshkent-O‘sh" avtomobil yo‘lining ''Qamchiq'' dovonidan kesib o‘tgan ayrim hududlarida kuchli qor yog‘moqda. Tuman tushgan. Yo‘llarda qor uyumlari va muzlamalar hosil bo‘lmoqda. Havo harorati -4 daraja sovuq.

Avvalroq, noqulay ob-havo sabab Urganch xalqaro aeroporti uchta parvozni qabul qila olmagani va vaqtincha yopilgani haqida xabar bergan edik.

Maqola muallifi