Suriya Prezidenti Rossiya vaksinasi bilan emlandi
Olam
−
03 iyun 2021 2614
Suriya Prezidenti Bashar Asad Rossiyaning “Sputnik V” vaksinasi bilan emlandi. Bu haqda Suriyaning Moskvadagi elchisi Riyod Haddad ma’lum qildi.
Diplomat shuningdek, “Sputnik V” vaksinasining birinchi partiyasi Suriyaga yetkazib berilishini aytdi.
“Sputnik V”, allaqachon, Suriyada. Vaksinaning birinchi partiyasi mamlakat shifokorlari va yuqori lavozimli amaldorlarini emlash uchun ishlatilgan. Endi aholi emlanmoqda”, deydi Xaddad.
Shuningdek, u Suriyaga yetkazib berilgan vaksinaning aniq miqdorini ayta olmasligini qo‘shimcha qildi.
Ma’lumot uchun, avvalroq Bashar Asad to‘rtinchi bor Suriya Prezidenti yetib saylandi.
Eslatib o‘tamiz, avvalroq Rossiya va O‘zbekiston hukumatlari koronavirusga qarshi “Sputnik V” vaksinasini O‘zbekistonda ishlab chiqarish to‘g‘risida kelishib olgan edi. Shundan so‘ng, O‘zbekistonga yana 70 ming doza Rossiya vaksinasi keltirildi.
