Superkompyuter APL chempioni kim bo‘lishini prognoz qildi

Britaniyaning nufuzli tahlil platformasi “Opta”ning hisob-kitoblariga ko‘ra, “Arsenal” joriy mavsum Angliya Premer-ligasi chempionligi uchun eng asosiy favorit sifatida qayd etildi.

Hozirgi vaqtda “to‘pchilar” turnir jadvalida yetakchilikni saqlab turibdi – jamoa “Manchester Siti”dan 3 ochko, “Liverpul”dan esa 4 ochko ilgarilab boryapti.

“Opta”ning superkompyuteri mavsumning qolgan qismi bo‘yicha 10 mingta simulyatsiya o‘yin o‘tkazgan va natijalarga ko‘ra, 54,48 foiz holatda chempionlik  “Arsenal” foydasiga to‘g‘ri kelgan.

Shu bilan birga, “Liverpul”ning chempionlik ehtimoli  “Manchester Yunayted”ga qarshi mag‘lubiyatdan so‘ng 17,21 foizgacha pasaygan.

Qolgan jamoalarning chempion bo‘lish ehtimoli quyidagicha baholangan:

1. “Manchester Siti” — 17,32%
2. “Chelsi” — 4,60%
3. “Kristal Pelas” — 1,63%
4. “Aston Villa” — 1,34%
5. “Bornmut” — 1,04%
6. “Nyukasl” — 0,75%
7. “Brayton” —0,71%
8. “Tottenxem” — 0,51%
9. “Manchester Yunayted” — 0,27%

Ma’lumot uchun, “Arsenal” so‘nggi marta APL chempionilik unvonini 2003-2004 yilgi mavsumda, “mag‘lubiyatsiz mavsum” deb nom olgan tarixiy yilda qo‘lga kiritgan edi. Hozirda Mikel Arteta shogirdlari o‘sha natijani takrorlash uchun harakat qilmoqda.

Jahongir Inomjonov