Sindorov Jahon kubogining keyingi bosqichiga chiqdi
Sport
−
07 avgust 2023 3685
Ozarbayjon poytaxti Baku shahrida mezbonlik qilayotgan shaxmat bo‘yicha Jahon kubogi bahslari davom etmoqda. Musobaqada o‘z yurishini davom ettirayotgan o‘zbekistonlik grossmeyster Javohir Sindorov turnirning 1/16 finaliga yo‘l oldi.
1/32 finalida Sindorov fransiyalik Maksim Vashe-Lagrav bilan bahs olib bordi. Birinchi partiyada o‘zbekistonlik shaxmatchi oq donalarda harakatlanib, durangga imzo chekdi. 2-partiyada Sindorov qora donalarda o‘ynagan bo‘lsa ham, ajoyib yurishlar qilib raqibidan ustun keldi. G‘alaba orqali o‘zbekistonlik shaxmatchi qimmatli reyting ochkolariga ham ega bo‘ldi.
Endi Sindorov 1/16 finalda hindistonlik Arjun Erigaysi bilan kuch sinashadi.
Eslatib o‘tamiz, avvalroq ikki O‘zbekiston vakili Nodirbek Abdusattorov va Nodirbek Yoqubboyev musobaqadagi ishtirokini to‘xtatgandi. Abdusattorov Jahon kubogining 1/64 finali bahslari doirasida reytingda o‘zidan 60 pog‘ona pastda bo‘lgan turkiyalik raqibiga imkoniyatni boy berib qo‘ygan bo‘lsa, Yoqubboyev Vengriya vakiliga 1:1-1:2 hisobida mag‘lubiyatga uchradi.
Live
Barchasi
