Shomurodovning yangi klubi deyarli aniq bo‘ldi
Sport
−
24 iyul 2023 13250
O‘zbekiston milliy terma jamoasi sardori Eldor Shomurodov faoliyatini Italiyaning “Kalyari” klubida davom ettirishga yaqin turibdi. Bu haqda futbol jurnalisti Nikola Skira o‘z Twitter sahifasida ma’lum qildi.
Manbaga ko‘ra, A Seriyaga qaytgan “Kalyari” Shomurodovni “Roma”dan sotib olish sharti bilan bir mavsumga ijaraga oladi. Ijara muddati yakunlangach, tomonlar 3 yillik shartnomani imzolashadi. Tez orada kelishuv rasman e’lon qilinishi kutilmoqda.
28 yoshli hujumchi yanvar oyidan buyon “Spetsiya” safida ijara asosida o‘ynab, 16 o‘yinda maydonga tushdi va 1 ta gol urib, 2 ta golga assistentlik qildi.
Ma’lumot uchun, Shomurodov faoliyati davomida O‘zbekiston klublaridan tashqari, Rossiyaning “Rostov”, Italiyaning “Jenoa”, “Roma” va “Spetsiya” klublarida to‘p tepgan.
Live
Barchasi
