Shomurodov “Jenoa”da debyut o‘yinini o‘tkazdi

Italiyaning “Jenoa” klubiga o‘tgan Eldor Shomurodov Italiya A Seriyasi 4-turida debyut uchrashuvini o‘tkazdi. O‘yin “Verona”ga qarshi bo‘lib o‘tdi.

Shomurodov yangi jamoasi safidagi birinchi o‘yinda asosiy tarkibda maydonga tushib, 63-daqiqaga to‘p surdi. O‘yinda hisob ochilmadi (0:0).

“Jenoa” bosh murabbiyi Rolando Maran “Verona”ga qarshi durangdan (0:0) keyin Eldor Shomurodov haqida ham fikrlarini bildirib o‘tdi.

“Men unga o‘ynash imkoniyatini berdim. Biroq hali unda bizning futbol haqida tushuncha yo‘q. U boshqa chempionatdan keldi va bu yerda hammasi qanday ishlashini bilmaydi. Shunday ekan unga vaqt kerak. U sabrli bo‘lishi lozim. U bugun xatolarga yo‘l qo‘ymadi. Shuning uchun ham bugun uning o‘yini uchun minnatdorchilik bidliraman”, deydi Maran.

“Jenoa” keyingi turda Milanning “Inter” klubiga qarshi bahs olib boradi.

Ma’lumot uchun, Italiya A Seriyasida "Jenoa" 4-tur yakuniga ko‘ra, 3 ta o‘yin o‘tkazib, 4 ochko to‘plagan. Klub jadvalda 11-o‘rinni band qilib turibdi.

Eslatib o‘tamiz, Eldor Shomurodov Rossiyaning "Rostov" klubidan 9 mln yevro evaziga Italiyaga ko‘chib o‘tdi.