Shomurodov gol urgan o‘yinda “Roma” g‘alaba qozondi

Yevropa Chempionlar ligasi kabi Yevropa ligasida ham so‘nggi tur o‘yinlari bo‘lib o‘tdi. Bu turnirda ham kuchli 24 jamoa pley-off bosqichiga yo‘l oldi.

Shomurodov gol urgan kechada “Roma” keyingi bosqichga chiqdi

So‘nggi 8-turda “Roma” o‘z uyida yetakchilar qatorida borayotgan “Ayntraxt”ni qabul qildi va 2:0 hisobida g‘alaba qozondi va nimchorak final bosqichiga yo‘l oldi. Uchrashuvda zaxiradan maydonga tushgan o‘zbekistonlik futbolchi Eldor Shomurodov 69-daqiqada raqib darvozasini ishg‘ol qilib, jamoasining g‘alabasini mustahkamladi. Shu tariqa rimliklar yakuniy jadvalda 12 ochko jamg‘arib, 15-o‘rin bilan nimchorak finalga yo‘llanmani qo‘lga kiritdi. 

Angliya jamoalari ham g‘alaba qozonib, kuchli 8 likdan o‘rin oldi

“Manchester Yunayted” Yevropa ligasi so‘nggi tur o‘yinida mehmonda FKSB jamoasiga qarshi maydonga tushib, 2:0 hisobida g‘alaba qozondi va yakuniy jadvalda 3-o‘ringa chiqib oldi va to‘g‘ridan to‘g‘ri chorak finalda o‘ynaydigan 8 jamoadan biri bo‘ldi. 

“Tottenxem” ham so‘nggi turni g‘alaba bilan yakunladi. Londonliklar o‘z uyida “Elfsbrg”ni yirik 3:0 hisobida mag‘lub etdi va yakuniy jadvalda 17 ochko to‘plab, 4-o‘rinni egalladi. Klub ham to‘g‘ridan to‘g‘ri chorak finalga yo‘l olgan jamoalar qatoridan joy oldi.

Chorak finalga yo‘l olgan kuchli 8 klub

8 tur davomida bir xil natija qayd etgan “Latsio” va “Atletik” 1- va 2-o‘rinlarni bo‘lishib oldi. Undan keyingi o‘rinlarni “Manchester Yunayted”, “Tottenxem”, “Ayntraxt”, “Lion”, “Olimpiakos” va “Reynjers” jamoalari egalladi.

Turnirni tark etgan klublar

So‘nggi tur natijalariga ko‘ra, 24-o‘rindan pastdagi jamoalar avtomatik ravishda turnir bilan xayrlashadi. Ular orasida “Braga”, “Elfsborg”, “Beshiktosh”, “Nitssa” va yana bir qancha klublar nomi bor.

Yuqorida aytib o‘tganimizdek, kuchli 8 jamoa chorak finalga to‘g‘ridan to‘g‘ri yo‘l oldi. 8-o‘rindan 24-o‘ringacha egallagan klublar qur’a tashlash marosimida o‘z raqiblarini bilib oladi.