Samarqandda masjid yonib ketdi (video)
3-sahifa
−
18 noyabr 2023 16147
Kecha, 17 noyabr kuni Samarqand viloyatining Urgut tumanidagi masjidda yong‘in sodir bo‘ldi. Bu haqda QALAMPIR.UZ manbasi xabar berdi.
Ma’lumotlarga ko‘ra, yong‘in soat 21:30 larda boshlangan va soat 00:30 larga borib o‘chirilgan.
QALAMPIR.UZ manbasining bildirishicha, yong‘inga 10 ga yaqin ekipaj jalb etilgan. Mahalliy aholi hamda qo‘shni “Kenagas” va “Qo‘rg‘oncha” qishloq ko‘ngillilari chelaklarda suv tashigan. Yong‘in masjidga tutash uylar va mahalla binosiga ham o‘tgan.
Yong‘inni o‘chirishga Toyloq tuman FVB ham yordamga kelgani aytilmoqda. Jabrlanganlar va zarar miqdori aniq emas.
Holat yuzasidan viloyat Favqulodda vaziyatlar boshqarmasi tomonidan hali rasmiy ma’lumot berilmadi.
Eslatib o‘tamiz, oldinroq Toshkent shahar Yashnobod tumanidagi ishlab chiqarish korxonasida yong‘in chiqqandi.
