Samarqandda ikkita fura to‘qnashib, yonib ketdi (video)
Jamiyat
−
04 yanvar 9885
Samarqandda ikkita yuk mashinasi ishtirokida YTH sodir bo‘ldi. Bu haqda viloyat IIB axborot xizmati xabar berdi.
Ma’lum qilinishicha, 3 yanvar kuni soat 22:50 larda Samarqand tumani “O‘zbek kenti” mahallasi hududidan o‘tuvchi yo‘lda yuk avtomobillari o‘rtasida to‘qnashuv sodir bo‘lib, transport vositalarida yong‘in yuzaga kelgan.
“Yong‘in o‘t o‘chiruvchilar tomonidan bartaraf etilgan. YTH natijasida jarohat olganlar yo‘q. Holat yuzasidan tergovga qadar tekshiruv harakatlari olib borilmoqda", deyiladi ushbu xabarda.
Eslatib o‘tamiz, avvalroq ijtimoiy tarmoqlarda yonayotgan mashinaning harakatlanib, to‘xtab turgan boshqa mashinaga borib urilgani aks etgan video tarqalgandi.
