Ro‘ziboyev Bakliga mag‘lub bo‘ldi
Sport
−
12 may 16201
Bugun, 12 mayga o‘tar kechasi AQSHning Sent-Luis shahridagi Enterprise Center arenasida o‘zbekistonlik UFC jangchisi Nursulton Ro‘ziboyev amerikalik Xoakin Bakli bilan jang qildi.
3 raundlik jangda Xoakin Bakli faollik ko‘rsatdi. Aniq zarbalar va teykdaunlar sonida ham Bakli ustunlik qildi. Hakamlar 30-27, 30-26, 29-27 hisobida Baklining g‘alabasini qayd etdi.
Ma’lumot uchun, 30 yoshli Ro‘ziboyev shu vaqtga qadar MMA'da 34 ta jangda g‘alaba qozongan, 8 ta bahsda esa imkoniyatni boy bergan. Ro‘ziboyevga tengdosh bo‘lgan Bakli esa 24 ta jangda qatnashib, shulardan 18 tasida zafar quchgan, 6 ta to‘qnashuvda mag‘lubiyatga uchragan.
Eslatib o‘tamiz, mart oyi oxirida Atlantik-Siti shahrida o‘tkazilgan UFC Fight Night 241 turniri doirasida o‘zbekistonlik Nursulton Ro‘ziboyev amerikalik Sedrik Dyumaga qarshi oktagonga ko‘tarilgan va 1-raunddayoq raqibini texnik nokautga uchratgandi.
