Ruminiyada prezidentlikka nomzod hibsga olindi

Ruminiyada prezidentlikka nomzod, bekor qilingan prezidentlik saylovining birinchi bosqichi g‘olibi Jorjesku Kelin hibsga olindi. Bu haqda uning kommunikatsiya jamoasi Facebook'dagi sahifasida ma’lum qildi.

Ma’lumotlarga ko‘ra, Jodjesku Kelinga ayblov e’lon qilinib, saylovning birinchi bosqich natijalari bekor qilingan. Biroq u yana prezidentlikka o‘z nomzodini qo‘ymoqchi bo‘lgan. Shundan so‘ng uni yo‘lda to‘xtatib, prokuraturada so‘roq qilish uchun olib ketishgan. Nomzod konstitutsiyaviy tuzumga putur yetkazish va saylov kampaniyasini noqonuniy moliyalashtirish maqsadida fashistik tashkilot tuzish bilan bog‘liq ish yuzasidan qo‘lga olingan.

Ma’lumot uchun, Ruminiyada prezidentlik saylovlari 2024 yilning 24 noyabr kuni bo‘lib o‘tdi. Jorjesku birinchi turda 22,95 foiz ovoz oldi. U Ukrainaga yordam, NATO siyosati va boshqa masalalarni tanqid qilgani uchun “rossiyaparast” nomzod deb atalgan. Saylovning birinchi bosqichi bekor qilingandan so‘ng, Ruminiyani qutqarish ittifoqi partiyasi yetakchisi Elena Laskoni 19,18 foiz natija bilan ikkinchi bosqichga chiqdi. Mamlakat Bosh vaziri, Sotsial-demokratik partiya vakili Marchel Cholaku 19,15 foiz ovoz bilan uchinchi o‘rinni egalladi

Ruminiya Konstitutsiyaviy sudi Jorjeskuning saylovoldi kompaniyasiga qarshi ayblovlar tufayli saylov natijalarini bekor qildi. U TikTok orqali o‘z nomzodini pullik targ‘ib qilganlikda gumon qilingan va bu Rossiyadan kelgan buyurtma asosida amalga oshirilgan bo‘lishi mumkin degan taxminlar bor.

Eslatib o‘tamiz, shu oy boshida Ruminiya Prezidenti Klaus Yoxannis iste’foga chiqqanligi haqida xabar berilgan edi.

Bunyod Keldiboyev