Руминияда президентликка номзод ҳибсга олинди

Руминияда президентликка номзод, бекор қилинган президентлик сайловининг биринчи босқичи ғолиби Жоржеску Кэлин ҳибсга олинди. Бу ҳақда унинг коммуникация жамоаси Facebook'даги саҳифасида маълум қилди.

Маълумотларга кўра, Жоджеску Кэлинга айблов эълон қилиниб, сайловнинг биринчи босқич натижалари бекор қилинган. Бироқ у яна президентликка ўз номзодини қўймоқчи бўлган. Шундан сўнг уни йўлда тўхтатиб, прокуратурада сўроқ қилиш учун олиб кетишган. Номзод конституциявий тузумга путур етказиш ва сайлов кампаниясини ноқонуний молиялаштириш мақсадида фашистик ташкилот тузиш билан боғлиқ иш юзасидан қўлга олинган.

Маълумот учун, Руминияда президентлик сайловлари 2024 йилнинг 24 ноябрь куни бўлиб ўтди. Жоржеску биринчи турда 22,95 фоиз овоз олди. У Украинага ёрдам, НАТО сиёсати ва бошқа масалаларни танқид қилгани учун “россияпараст” номзод деб аталган. Сайловнинг биринчи босқичи бекор қилингандан сўнг, Руминияни қутқариш иттифоқи партияси етакчиси Элена Ласкони 19,18 фоиз натижа билан иккинчи босқичга чиқди. Мамлакат Бош вазири, Социал-демократик партия вакили Марчел Чолаку 19,15 фоиз овоз билан учинчи ўринни эгаллади

Руминия Конституциявий суди Жоржескунинг сайловолди компаниясига қарши айбловлар туфайли сайлов натижаларини бекор қилди. У TikTok орқали ўз номзодини пуллик тарғиб қилганликда гумон қилинган ва бу Россиядан келган буюртма асосида амалга оширилган бўлиши мумкин деган тахминлар бор.

Эслатиб ўтамиз, шу ой бошида Руминия Президенти Клаус Йоханнис истеъфога чиққанлиги ҳақида хабар берилган эди.

Бунёд Келдибоев