Rubio AQSH razvedkasi rahbarining Moskvaga maxfiy safari maqsadini ochiqladi

Markaziy razvedka boshqarmasi rahbari Jon Li Retkliffning Moskvaga tashrifi odatiy bo‘lib, ko‘p jihatdan Amerika ma’muriyatining Rossiya va AQSH razvedka xizmatlari o‘rtasidagi aloqa kanallarini sozlash siyosatini davom ettirishga qaratilgan edi. Bu haqda AQSH davlat kotibi Marko ma’lum qildi.

“Uning tashrifi asosan odatiy edi, chunki u razvedka xizmatlari o‘rtasidagi aloqa kanallarini sozlashni davom ettirishi kerak edi, chunki bunday narsalar mojaro yoki inqiroz paytida foydali bo‘lishi mumkin”, deydi u “Fox Radio” bilan suhbatda.

AQSH tashqi siyosat idorasi rahbari Markaziy razvedka boshqarmasi rahbari Rossiya va AQSH Prezidentlari Vladimir Putin, Donald Tramp va Vladimir Zelenskiy o‘rtasida uch tomonlama uchrashuv o‘tkazish taklifini muhokama qilgani haqidagi da’volarni rad etgan. 

“Bu xabarlar qayerdan kelayotganini bilmayman, chunki bu uchrashuv haqidagi ma’lumotlar juda kam sonli odamlarda bor va ularning hech biri matbuot bilan muloqot qilmagan”, deydi Rubio.

Eslatib o‘tamiz, AQSH Markaziy razvedka boshqarmasi direktori Jon Retkliff joriy yilning 25 avgust kuni Rossiya poytaxti Moskvaga e’lon qilinmagan muzokaralar uchun borgan edi.

“The Wall Street Journal” amerikalik amaldorlarga tayanib, AQSH Prezidenti Donald Tramp Markaziy razvedka boshqarmasi (MRB) direktori Jon Retkliffni Moskvaga maxfiy safarga shaxsan o‘zi yuborganini yozdi. “Politico” esa AQSH Markaziy razvedka boshqarmasi (MRB) direktori Jon Li Retkliff Rossiya rasmiylarini NATO davlatlariga, xususan, Estoniya, Latviya va Litvaga hujum qilishdan ogohlantirish uchun Moskvaga borganini ochiqladi.