Ruhoniy xavotirda: Eronda koronavirusning to‘rtinchi to‘lqini boshlandi
Olam
−
03 aprel 2021 4226
Eron Prezidenti Hasan Ruhoniy mamlakatda koronavirusning to‘rtinchi to‘lqini boshlanganini e’lon qildi.
Uning ta’kidlashicha, koronavirus infeksiyasining yangi to‘lqini ikki viloyatda kuzatilyapti. Biroq siyosatchi COVID-19 ning to‘rtinchi to‘lqini qaysi hududlarda boshlanganiga aniqlik kiritmagan.
“Afsuski, to‘rtinchi to‘lqin ikki viloyatda boshlandi, agar boshqa bir qator viloyatlarda ehtiyotkorlik qoidalariga rioya qilmasak, u yerlarda ham avj olishi mumkin”, degan Ruhoniy.
Eronda 1 aprel kuni 11 mingdan ortiq odamda koronavirus aniqlangan, bu 2020 yil dekabridan beri rekord ko‘rsatkich.
Kecha, 2 aprel kuniga qadar Eronda koronavirus yuqtirganlarning umumiy soni 1 908 974 nafarni tashkil etgan, 62 876 kishi kasallikdan vafot etgan.
Live
Barchasi
