Rossiyada migrantlarning uy ijaraga olishi qiyinlashishi mumkin

Rossiyada migrantlar uchun ijara muddatini cheklash va bu hududni qattiq nazoratga olish taklif qilindi. Bu haqda Davlat dumasining xalqaro ishlar bo‘yicha qo‘mitasi rahbari, LDPR rahbari Leonid Slutskiy ma’lum qildi.

Ta’kidlanishicha, migrantlar tomonidan kvartiralarni ijaraga olish umumiy qabul qilingan qoidalarni buzish tufayli jiddiy muammolarni keltirib chiqaradi. Shovqin, axlat tashlash, janjal ko‘p avj olmoqda. Mahalliy aholi farzandlari va o‘zlarining xavfsizligidan xavotirda, chunki ijaraga olingan kvartiralarning egalarini topish qiyin hamda politsiyaga qo‘ng‘iroq qilish ko‘pincha migrantlarning tajovuzkorligiga olib keladi.

LDPR partiyasi yetakchisi Leonid Slutskiy esa muhojirlar uchun uy-joy ijarasi bo‘yicha qat’iy qoidalar yaratishni talab qilmoqda. U allaqachon hukumatga tashrif buyuruvchilarni faqat kelishuv bo‘yicha uy-joy bilan ta’minlashga majburlovchi va shu bilan birga ijaraning maksimal muddatini bir yil belgilashni nazarda tutuvchi qonun loyihalari paketini yuborgan.

Slutskiyga ko‘ra, Moskvadagi arzon uy-joylarning 85 foizida migrantlar yashaydi. Deputat yangi tartib uy egalariga ham tegishli bo‘lishi lozimligini aytgan.

Eslatib o‘tamiz, avvalroq Rossiya pasportini olgan chet el fuqarolari joriy yilning 23 noyabrdan boshlab fuqaroviy qasamyod qabul qilmasa, undan mahrum bo‘lishi haqida xabar berilgandi. Ko‘rsatilgan sanadan keyin qasamyod qilmaganlar avtomatik ravishda fuqarolikni olmagan hisoblanadi va ularga Rossiya pasportini berish to‘g‘risidagi qaror haqiqiy emas, deb topiladi.