Rossiya gazining Yevropadagi ulushi yana o‘sishni boshladi

Joriy yilda Rossiya 2022 yil bahoridan beri birinchi marta Yevropa Ittifoqining yetakchi gaz yetkazib beruvchisi bo‘ldi. Bu haqda “Bloomberg” xabar berdi.

Qayd etilishicha, joriy yilning oktyabr oyida Rossiya Yevropa Ittifoqiga gaz yetkazib berish bo‘yicha Jazoirdan keyin ikkinchi o‘rinni egallagan. Yevropa Ittifoqining statistik xizmati ma’lumotlariga ko‘ra, eksport 1,4 milliard yevro yoki YeIning barcha xaridlarining 23,7 foizini tashkil etgan.

Nashrga ko‘ra, 2022 yilgi qisqarishlardan so‘ng Rossiyadan gazning Yevropa Ittifoqi importidagi ulushi ijobiy tendensiyaga erishgan. Shunday qilib, 2023 yilning ikkinchi choragida u 19 foizga, 2024 yilning birinchi choragida esa yana 14 foizga oshgan. O‘tgan yilning oxiriga kelib, Rossiya yuklari oyiga taxminan 1 milliard dollarni tashkil etgan.

Eslatib o‘tamiz, avvalroq Yevropada gaz zaxiralari kamayib borayotgani, sovuq ob-havo va Rossiyadan yetkazib berishning cheklanishi sharoitida yangi energiya inqirozi yuz berishi mumkinligi haqida xabar berilgandi.