“Real” yetakchisi Anchelottini klub murabbiyligida qolishini istamoqda
Sport
−
21 fevral 2023 2798
“Real” hujumchisi Karim Benzema jamoaning amaldagi bosh murabbiyi Karlo Anchelotti kelasi mavsumda ham o‘z lavozimida qolishini istamoqda. Bu haqda “Soccer.ru” xabar berdi.
Anchadan buyon OAVda italiyalik mutaxassis qoniqarsiz natijalar qayd etgani uchun ishdan bo‘shatilishi haqida xabarlar tarqalayotgan edi.
Benzemaning “qirollik klubi” bilan shartnomani uzaytirish istagi ham aynan Anchelottining kelajagiga bog‘liq. Fransuz futbolchisi Karlo bilan yaxshi munosabatda bo‘lgani uchun murabbiyning ishdan ketishini istamaydi.
Benzemaning “Real” bilan shartnomasi mavsum oxirigacha, Anchelottining shartnomasi esa 2024 yilning yoziga qadar mo‘ljallangan.
