“Real” Azar masalasini uzil-kesil hal qilmoqchi
Sport
−
07 mart 2023 6666
“Real” yarim himoyachi Eden Azar vakillari bilan uchrashuv o‘tkazmoqchi. Bu haqda jurnalist Fabritsio Romano o‘z sahifasida ma’lum qildi.
Qayd etilishicha, yaqin haftalarda tomonlar belgiyalik futbolchining kelajagi borasida bir to‘xtamga keladi. Klub agar Azarga yaxshi taklif tushsa, u yozda ketgani ma’qul, deb hisoblamoqda. Yarim himoyachi bosh murabbiy Karlo Anchelotti ketgan taqdirdagina Madrid jamoasida muntazam o‘ynash imkoniyatiga ega bo‘lishi mumkin.
32 yoshli yarim himoyachi joriy mavsum La Ligada 3 ta o‘yinda maydonga tushdi.
Azar Ispaniya klubida 2019 yildan buyon to‘p suradi. “Real” Azar uchun “Chelsi”ga 115 million yevro to‘lagan. Hozirga qadar belgiyalik futbolchi “Real” safida 18 marta jarohat olib, jamoa o‘yinlarining aksariyatini o‘tkazib yubordi.
Live
Barchasi
