Putinning Germaniyadagi “g‘alati” mashhurligi siri nimada?

Olam

image

Germaniya va Avstriyada Rossiya Prezidenti Vladimir Putinni qo‘llab-quvvatlash darajasi yuqori. Bu haqda “Wiener Zeitung” gazetasi sharhlovchisi Gerxard Lexner xabar berdi.

Uning so‘zlariga ko‘ra, nemislar Ukrainani bir ovozdan qo‘llab-quvvatlayotgani haqidagi taassurot “aldamchi”.

“Nemis tilida so‘zlashuvchi ushbu davlatlarda Putinning obro‘yi yuqoriligi va Rossiyaga nisbatan bunday g‘alati xayrixohlik qayerdan kelib chiqadi? Albatta, Putin o‘ngni ultra-liberal gender siyosatini tanqid qilish bilan, so‘lni esa NATOga qarshi ritorika bilan hayratda qoldiradi”, deydi Lexner.

Sharhlovchiga ko‘ra, bugungi kunda Germaniya va Avstriya aholisi orasida sanksiyalarning iqtisodiy oqibatlari tufayli norozilik kuchaymoqda.

“Inflyatsiyaning o‘sishi, gaz taqchilligi tahdidi va yuqori narxlar Ukrainaga bo‘lgan xayrixohlikni pasaytiradi. Ko‘pchilik Putinni emas, Ukraina Prezidenti Vladimir Zelenskiyni urush qo‘zg‘atuvchi, tinchlikka to‘sqinlik qilayotgan odam sifatida ko‘ra boshlagan”, deyiladi maqolada.

Rossiya-Ukraina urushi

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegarasida tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Bundan avvalroq Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirgandi. Ko‘p o‘tmay Prezident Rossiya bilan diplomatik aloqani uzdi. Prezident Zelenskiy mamlakatda harbiy holat e’lon qildi.

25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi.

Rus qo‘shinlari hozirgacha Ukrainaga shimol, sharq va janubdan hujum qilib kelmoqda va qator hududlarni egallashga erishdi. Ammo bu urush Rossiyaning dunyoda yakkalanib qolishiga olib keldi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

Hujum boshlangach, Yevropa davlatlari va AQSH Rossiyaga qarshi bir necha bosqichli sanksiyalar joriy qildi. Rossiyaning VTB, “Rossiya” banki, “Otkritiya”, “Novikombank”, “Promsvyazbank”, “Sovkombank” va VEB.RF banklari SWIFT xalqaro banklararo tizimidan uzildi. AQSH va Yevropa Ittifoqi Rossiyaning oltin-valyuta zaxirasini blokladi.

Yevropa davlatlari, AQSH, Kanada Rossiya uchun o‘z havo hududini yopdi. Bu sanksiyalarga neytral davlat hisoblangan Shveysariya ham qo‘shildi. Urush fonida Ukrainani Yevropa Ittifoqi a’zoligiga qabul qilish jarayoni tezlashdi


Maqola muallifi

Teglar

Baholaganlar

107

Reyting

3

Maqolaga baho bering

Doʻstlaringiz bilan ulashing