Pensilvaniya sudi saylovda berilgan minglab ovozlarni bekor qildi
Olam
−
20 noyabr 2020
7732Pensilvaniya shtatida AQSH prezidentlik saylovlarida berilgan bir necha ming ovoz bekor qilindi.
Ta’kidlanishicha, sud qaroriga binoan, pochta orqali yuborilgan 2 ming 349 ta byulleten bekor qilingan.
Haqiqiy emas deb hisoblangan ovozlar 1,2 milliondan ko‘p aholi istiqomat qiladigan Allegeyni okrugiga tegishli bo‘lgan.
Sud xulosasida ta’kidlanishicha, byulletenlarda jo‘nash sanasi qayd etilmagan. Shuning uchun ular bekor qilingan.
Avvalroq, AQSH Sog‘liqni saqlash vaziri Aleks Azar Demokratik partiyadan prezidentlikka nomzod Jo Bayden va uning jamoasi bilan saylovlarning yakuniy natijalariga qadar ishlashdan bosh tortgani haqida xabar bergandik.
AQSHda prezidentlik saylovi 3 noyabr kuni bo‘lib o‘tdi. Mavjud dalillarga asoslanib, Amerikaning yetakchi OAVlari Demokratlar partiyasidan nomzod Jo Bayden g‘alaba qozonganini e’lon qildi. Ko‘plab davlat yetakchilari uni g‘alaba bilan tabriklamoqda. Shu bilan birga, Tramp saylovlar hali tugamaganligi, sudda o‘z g‘alabasini himoya qilmoqchi ekanligini aytmoqda.
LiveBarchasi
07 noyabr 2023
07 noyabr 2023
07 noyabr 2023