Parkentda tarbiyachi bolalarni tayoq bilan urdi (video)

Ijtimoiy tarmoqlarda Toshkent viloyatida joylashgan maktabgacha ta’lim muassasalarining birida tarbiyachi bolalarni gimnastika tayog‘i bilan urgani aks etgan video tarqaldi. Holat yuzasidan viloyat Maktabgacha va maktab ta’limi boshqarmasi ma’lumot berdi. 

Qayd etilishicha, ushbu holat joriy yilning 6 yanvar kuni Parkent tumanidagi 19-sonli davlat maktabgacha ta’lim tashkilotida kechki soat 17:00 atrofida sodir bo‘lgan. Muassasada jismoniy tarbiya yo‘riqchisi vazifasida faoliyat yuritadigan shaxs tarbiyalanuvchilarni gimnastika tayoqchasi bilan turtib, qatorga turishga undagan. O‘rganishlar davomida tashkilotning tarbiyachisi ham bolalar bilan qo‘pol munosabatda bo‘lgani aniqlangan.

 

 

 

 

Posmotret etu publikatsiyu v Instagram

 

 

 

 

 

 

 

 

 

 

 

Publikatsiya ot QALAMPIR.UZ (@qalampir.uz)

Ma’lum qilinishicha, mazkur holatlar atroflicha o‘rganilib, muassasaning jismoniy tarbiya yo‘riqchisi hamda tarbiyachi bilan tuzilgan shartnoma Mehnat kodeksining 157-moddasiga (mehnat shartnomasini taraflarning kelishuviga ko‘ra bekor qilish) asosan bekor qilingan.

Eslatib o‘tamiz, avvalroq Toshkent shahrining Mirzo Ulug‘bek tumanidagi “Tanzilandiya” nodavlat maktabgacha ta’lim tashkilotining tarbiyachilari tomonidan ushbu tashkilot tarbiyalanuvchilariga nisbatan zo‘ravonlik harakatlari sodir etilgani, Yunusobod tumanidagi “First Daycare” nodavlat maktabgacha ta’lim tashkiloti tarbiyachisi va tarbiyachi yordamchisining bolalardan birini ovqat yemagani uchun stulga “skotch”lab qo‘ygani ortidan Senatning Fan, ta’lim va sog‘liqni saqlash masalalari qo‘mitasi raisi Bahrom Abdullayev Maktabgacha va maktab ta’limi vaziri Hilola Umarovaga senator so‘rovi yuborgandi.

28 fevral kuni esa AOKAda bo‘lib o‘tgan matbuot anjumanida Sardor Rajabov Maktabgacha va maktab ta’limi vazirligi “Tanzilandiya” bog‘chasi ustidan tegishli qaror chiqarish uchun sudga murojaat qilgandi.