Olimpiada chempioniga Gentra sovg‘a qilindi
Sport
−
30 noyabr 2023 7366
O‘zbekistonlik og‘ir atletikachi, Tokio-2020 Olimpiadasi oltin medali sohibi Akbar Jo‘rayev Chevrolet Gentra avtomobili bilan taqdirlandi. Bu haqda O‘zbekiston og‘ir atletika federatsiyasi matbuot xizmati xabar berdi.
Avtomobil Jo‘rayevga O‘zbekiston Kasaba uyushmalari federatsiyasi tomonidan topshirildi. Kichik tadbirda O‘zbekiston Respublikasi Yoshlar siyosati va sport vaziri o‘rinbosari Shahrillo Mahmudov ham qatnashdi.
Akbar Jo‘rayev shu yili Xitoyning Xanchjou shahrida o‘tkazilgan Osiyo o‘yinlarida ham ishtirok etib, kumush medalga ega chiqqandi. Undan avval esa, atlet, sentyabr oyida Saudiya Arabistoni poytaxti Ar-Riyodda o‘tkazilgan dunyo birinchiligida g‘olib bo‘ldi.
Eslatib o‘tamiz, noyabr oyi boshida Toshkent viloyati hokimi Zoyir Mirzayev Akbar Jo‘rayevni Osiyo o‘yinlaridagi munosib ishtiroki uchun pul mukofoti bilan taqdirlagandi.
Live
Barchasi07 noyabr 2023
07 noyabr 2023
07 noyabr 2023
