“Napoli” Xvicha borasida bir qarorga keldi
Sport
−
02 may 2023 2735
Italiyaning “Napoli” klubi yozda Xvicha Kvaratsxeliyani sotib olmoqchi bo‘lgan barcha klublarga rad javobini berdi. Klub hujumchini o‘z safida olib qolmoqchi. Bu haqda “Il Mio Napoli” nashri xabar berdi.
Manbaga ko‘ra, klub rahbariyati gruziyalik futbolchini jamoa kelajagi uchun muhim o‘yinchilardan biri deb hisoblaydi.
Mavsum yakunida Viktor Osimxen va himoyachi Kim Min Je jamoani tark etishi mumkin, ammo Xvicha emas. Ehtimol, kuzda u bilan shartnomani uzaytirish bo‘yicha muzokaralar olib boriladi. Bu masala klubda muhokama qilinmoqda va rahbariyat Kvaratsxeliya bilan kelishuvga erishishga ishonmoqda.
Xvicha joriy mavsum “Napoli” safida barcha musobaqalarda 36 ta o‘yinda maydonga tushib, 14 ta gol va xuddi shuncha golli uzatmaga mualliflik qildi.
Live
Barchasi
