Nadal mavsumdagi ilk titulni qo‘lga kiritdi

Tennis bo‘yicha “Katta dubulg‘a” turkumiga kiruvchi turnirlarning 20 karra g‘olibi Rafael Nadal “Melbourne summer” (Avstraliya) turnirida amerikalik tennischi Maksim Kressi ustidan 7:6 (8:6), 6:3 hisobida g‘alaba qozonib, chempionlikni qo‘lga kiritdi.

35 yoshli tennischi ushbu natija evaziga rekord qayd etdi. Nadal 2004 yilda Sopot (Polsha) shahrida o‘tgan musobaqada faoliyatidagi dastlabki sovringa ega chiqqan va 2022 yilgacha Nadal har mavsumda kamida bitta turnirda g‘alaba qozongan. 

Kressi bilan yakuniy qarama-qarshilik 1 soat 43 daqiqa davom etdi. Bu Nadalning 2021 yil avgustidan buyon erishgan uchinchi g‘alabasi bo‘ldi. tennischi jarohatidan tuzalib qaytganidan so‘ng ikkinchi davrada litvalik Rikardas Berankis (6:2, 7:5) va 1/2 finalda finlandiyalik Emil Ruusvoridan ustun kelgan edi.

Eslatib o‘tamiz, Rafel Nadal joriy yilning 17-30 yanvar kunlari o‘tkaziladigan “Australian open” turnirida ishtirok etadi.