Nadal doktorlik darajasini oldi

Ispaniyalik tennischi Rafael Nadal Madrid Politexnika universiteti tomonidan faxriy doktorlik darajasi bilan taqdirlanganini ma’lum qildi. Bu haqda u Instagram sahifasida ma’lum qildi.

“Men bu kunni iliq his-tuyg‘ular bilan eslayman. Faoliyatim davomida ko‘plab mukofotlarga sazovor bo‘lganman, biroq akademik sohadagi e’tirof men uchun alohida ahamiyatga ega. Chunki bu — bilim, ta’lim va jamiyat taraqqiyotiga xizmat qiladigan muassasalarning hurmati ifodasidir. Menga ushbu faxriy unvonni bergani uchun Madrid Politexnika universitetiga chuqur minnatdorlik bildiraman”, deb yozadi Nadal ijtimoiy tarmoqlarda.

39 yoshli tennischi faoliyati davomida 22 ta “Katta dubulg‘a” turniri g‘olibiga aylangan. Ularning 14 tasi “Rolan Garros” musobaqasiga to‘g‘ri keladi va bu rekord natija hisoblanadi.

Shuningdek, Nadal ikki karra Olimpiya chempioni bo‘lib, 2008 yilda yakkalik, 2016 yilda esa juftlik bahslarida oltin medalni qo‘lga kiritgan.

Ispaniyalik sportchi 2024 yil noyabr oyida Devis kubogi chorak finalida Botik van de Zandsxyulpga qarshi o‘yin o‘tkazib, professional faoliyatini yakunlagan edi.