Murodov rossiyalik yengilmas sportchiga qarshi jang qiladigan bo‘ldi
Sport
−
14 noyabr 2023 16276
O‘zbekistonlik UFC jangchisi Mahmud Murodovning navbatdagi raqibi va jang sanasi aniq bo‘ldi. Bu haqda sportchining o‘zi Instagram sahifasida ma’lum qildi.
Murodov navbatdagi jangini 2024 yilning 3 fevral kuni tashkil etiladigan UFC Fight Night turnirida rossiyalik Aliashab Xizriyevga qarshi o‘tkazadi. Mazkur jang oqshomi AQSHning Nevada shtati Las-Vegas shahrida o‘tkaziladi.
Ma’lumot uchun, London shahrida o‘tkazilgan UFC Fight Night turnirida Mahmud Murodov amerikalik MMA'chi Brayan Barberanani hakamlarning yakdil qarori bilan mag‘lubiyatga uchratgandi. Murodov bu orqali 2 ta mag‘lubiyatli seriyasiga nuqta qo‘ydi. Bunga qadar u UFC'da 5 ta jang o‘tkazib, 3 tasida g‘alaba qozongan.
Uning bo‘lajak raqibi esa MMA'da shu kunga qadar 14 ta jang o‘tkazgan bo‘lib, hali biror marta mag‘lubiyatga uchramagan.
Live
Barchasi
