Муродов россиялик енгилмас спортчига қарши жанг қиладиган бўлди
Sport
−
14 November 2023 18018 1 minute
Ўзбекистонлик UFC жангчиси Маҳмуд Муродовнинг навбатдаги рақиби ва жанг санаси аниқ бўлди. Бу ҳақда спортчининг ўзи Instagram саҳифасида маълум қилди.
Муродов нaвбатдаги жангини 2024 йилнинг 3 февраль куни ташкил этиладиган UFC Fight Night турнирида россиялик Алиасҳаб Хизриевга қарши ўтказади. Мазкур жанг оқшоми АҚШнинг Невада штати Лас-Вегас шаҳрида ўтказилади.
Маълумот учун, Лондон шаҳрида ўтказилган UFC Fight Night турнирида Маҳмуд Муродов америкалик ММА'чи Браян Барберанани ҳакамларнинг якдил қарори билан мағлубиятга учратганди. Муродов бу орқали 2 та мағлубиятли сериясига нуқта қўйди. Бунга қадар у UFC'да 5 та жанг ўтказиб, 3 тасида ғалаба қозонган.
Унинг бўлажак рақиби эса ММА'да шу кунга қадар 14 та жанг ўтказган бўлиб, ҳали бирор марта мағлубиятга учрамаган.
Live
All
