Mullajonov Usik va Dyubua jang qiladigan turnirda qatnashadi
Sport
−
17 avgust 2023 2861
Joriy yilning 26 avgust kuni Polshaning Vrotslav shahrida professional boks turniri bo‘lib o‘tadi. Markaziy jangda WBA, WBO va IBF yo‘nalishlari bo‘yicha jahon chempioni ukrainalik Aleksandr Usik britaniyalik bokschi Daniyel Dyubuaga qarshi ringga ko‘tariladi. Turnir doirasida o‘zbekistonlik Lazizbek Mullajonov ham jang qiladi.
O‘sha kuni Mullajonovga qozog‘istonlik Nursultan Omonjolov raqiblik qiladi.
Omonjolov shu vaqtga qadar profboksda 5 ta jangda qatnashib, barchasida g‘alaba qozongan. Mullajonov esa profboksda 3 marta ringga ko‘tarilib, raqiblaridan ustun kelgan.
Ta’kidlash joiz, Mullajonov shu yili Toshkent shahri mezbonlik qilgan boks bo‘yicha Jahon chempionatida sovrindor bo‘ldi. U musobaqaning chorak finalida kubalik ikki karra Olimpiya chempioni, besh karra jahon chempioni Xulio Sezar La Kruzni mag‘lub etgandi.
Live
Barchasi
