Mirziyoyev Anqaradagi Prezident saroyida rasmiy kutib olindi (video)
Jamiyat
−
06 iyun 7235
Bugun, 6 iyun kuni Anqara shahridagi Prezident saroyida O‘zbekiston Respublikasi Prezidentini rasmiy kutib olish marosimi bo‘ldi. Bu haqda davlat rahbarining matbuot xizmati xabar berdi.
Oliy martabali mehmon sharafiga faxriy qorovul saf tortdi. Prezidentlar Shavkat Mirziyoyev va Rajab Toyib Erdo‘g‘an shohsupaga ko‘tarildi. O‘zbekiston va Turkiya davlat madhiyalari yangradi. Ikki davlat yetakchilari faxriy qorovul safi oldidan o‘tdi.
Ayni daqiqalarda davlat rahbarlarining tor doiradagi muzokaralari o‘tmoqda. Tomonlar O‘zbekiston-Turkiya keng qamrovli strategik sheriklik munosabatlarini yanada rivojlantirish va mustahkamlash masalalarini muhokama qiladi.
Eslatib o‘tamiz, oldinroq Mirziyoyevning Turkiyaga tashrifi birinchi kuni dasturi e’lon qilingandi.
Live
Barchasi
