Milliy terma jamoa uchun charter reys yo‘lga qo‘yiladi
Sport
−
13:04
4309Futbol bo‘yicha O‘zbekiston milliy terma jamoasining Jahon chempionati saralashi doirasidagi keyingi 2 ta o‘yini uchun Doha - Ventyan - Toshkent yo‘nalishi bo‘yicha maxsus charter reys tashkil etiladi. Bu haqda O‘zbekiston futbol assotsiatsiyasi matbuot xizmati xabar berdi.
Milliy jamoa keyingi uchrashuvlarni 14 noyabr kuni Qatarda mezbonlarga qarshi hamda 19 noyabr kuni Laosda Shimoliy Koreyaga qarshi o‘tkazadi. Mehmondagi ikkita o‘yinda jamoaga qulaylik yaratish maqsadida O‘FA tomonidan reja asosida maxsus reys yo‘lga qo‘yiladigan bo‘ldi.
Ma’lumot uchun, saralashning ortda qolgan 4 ta turidan keyin O‘zbekiston 10 ochko bilan o‘z guruhida 2-o‘rinda bormoqda. Xuddi shuncha ochkoga ega Eron esa 1-o‘rinni band etgan.
Eslatib o‘tamiz, avvalroq O‘zbekiston milliy terma jamoasining Jahon chempionatiga chiqish imkoniyatlari keskin oshgani xabar qilingandi.
Hozirda Srechko Katanets shogirdlarining mundialga chiqish imkoniyati 93,1 foizni tashkil etmoqda.
LiveBarchasi