Migrantlarning Rossiyadan O‘zbekistonga pul jo‘natmalari ko‘paydi

Joriy yilning uchinchi choragida Rossiyadan MDH davlatlariga pul o‘tkazmalari bo‘yicha olti yillik rekord yangilandi. O‘zbekiston, Tojikiston va Qirg‘iziston fuqarolari pul o‘tkazmalari bo‘yicha yetakchi bo‘ldi.

Rossiya Bankining ma’lumotlariga ko‘ra, iyul-sentyabr oylarida Rossiyadan MDH mamlakatlariga to‘lov tizimlari orqali transchegaraviy o‘tkazmalar 2,29 milliard dollarga yetdi. Bu so‘nggi olti yildagi rekord ko‘rsatkich bo‘lib, mablag‘lar hajmi faqat 2015 yilning ikkinchi choragida ko‘proq bo‘lgan – 2,31 milliard dollar. 

Qabul qiluvchilar orasida Rossiya Federatsiyasidan 1,01 milliard dollar (o‘sish 34,9 foiz) o‘tkazilgan O‘zbekiston yetakchilik qildi. Keyingi o‘rinlarni Tojikiston — 0,53 milliard dollar (25,5 foiz) va Qirg‘iziston — 0,43 milliard dollar (21,7 foiz) egalladi.

O‘sish sabablaridan biri MDH davlatlaridan migrantlar oqimining ko‘payishi, birinchi navbatda, qurilish, uy-joy kommunal xo‘jaligi va boshqa tarmoqlarda ishchi kuchi taqchilligini to‘ldirish uchun O‘zbekiston va Tojikistondan ishchi kuchining tashkiliy olib kelinishi hisobiga bo‘ldi.