Men Saudiya muvaffaqiyatining bir qismi bo‘lganimdan xursandman – Ronaldu

Portugaliya terma jamoasi va “Al-Nasr” hujumchisi Krishtianu Ronaldu Saudiya Arabistonining 2034 yilgi Jahon chempionati mezbon davlati deb e’lon qilinishiga izoh berdi.

“Bu yerda hamma narsa ajoyib, infratuzilma, stadionlar, muxlislar uchun sharoitlar. Bularning barchasini ko‘rib, 2034 yilgi Jahon chempionati tarixdagi eng yaxshisi bo‘lishiga ishonchim ortib bormoqda. Biz nafaqat futbol, ​​balki hayotda ham yaxshiroq bo‘lamiz. Men yosh yigitlarni ko‘proq mehnat qilishga va bunga ishonishga undayapman. O‘tgan yil davomida liga juda tez sur’atlar bilan o‘sdi. Agar siz farqni sezsangiz, bu juda yaxshi. Hozirda ligada yetti-sakkizta yirik jamoa kubok uchun kurashmoqda. Futbolchilarning yaxshilanib borayotganini ko‘raman. Bu mening jamoadoshlarimga ham, boshqa futbolchilarga ham tegishli. Bu shuni anglatadiki, liga juda tez o‘sdi va yaxshi futbolchilar yetishib chiqdi. Saudiya Arabistoni juda yaxshi odamlarga ega ajoyib mamlakat. Ular har yili ko‘plab tadbirlarni o‘tkazadi. Bu davlatni buyuk kelajak kutmoqda va men bu mamlakat muvaffaqiyatining bir qismi bo‘lganimdan xursandman”, deydi Ronaldu.

Eslatib o‘tamiz, avvalroq 2030 va 2034 yilgi Jahon chempionati mezbonligi qaysi davlatlarga ishonib topshirilgani xabar qilingandi.

FIFA futbol bo‘yicha 2030 yilgi Jahon chempionati Ispaniya, Portugaliya va Marokashda o‘tkazilishini e’lon qildi. Shuningdek, 2034 yilgi Jahon chempionati mezbonligi rasman Saudiya Arabistoniga topshirildi.