Мен Саудия муваффақиятининг бир қисми бўлганимдан хурсандман – Роналду

Португалия терма жамоаси ва “Ал-Наср” ҳужумчиси Криштиану Роналду Саудия Арабистонининг 2034 йилги Жаҳон чемпионати мезбон давлати деб эълон қилинишига изоҳ берди.

“Бу ерда ҳамма нарса ажойиб, инфратузилма, стадионлар, мухлислар учун шароитлар. Буларнинг барчасини кўриб, 2034 йилги Жаҳон чемпионати тарихдаги энг яхшиси бўлишига ишончим ортиб бормоқда. Биз нафақат футбол, ​​балки ҳаётда ҳам яхшироқ бўламиз. Мен ёш йигитларни кўпроқ меҳнат қилишга ва бунга ишонишга ундаяпман. Ўтган йил давомида лига жуда тез суръатлар билан ўсди. Агар сиз фарқни сезсангиз, бу жуда яхши. Ҳозирда лигада етти-саккизта йирик жамоа кубок учун курашмоқда. Футболчиларнинг яхшиланиб бораётганини кўраман. Бу менинг жамоадошларимга ҳам, бошқа футболчиларга ҳам тегишли. Бу шуни англатадики, лига жуда тез ўсди ва яхши футболчилар етишиб чиқди. Саудия Арабистони жуда яхши одамларга эга ажойиб мамлакат. Улар ҳар йили кўплаб тадбирларни ўтказади. Бу давлатни буюк келажак кутмоқда ва мен бу мамлакат муваффақиятининг бир қисми бўлганимдан хурсандман”, дейди Роналду.

Эслатиб ўтамиз, аввалроқ 2030 ва 2034 йилги Жаҳон чемпионати мезбонлиги қайси давлатларга ишониб топширилгани хабар қилинганди.

FIFA футбол бўйича 2030 йилги Жаҳон чемпионати Испания, Португалия ва Марокашда ўтказилишини эълон қилди. Шунингдек, 2034 йилги Жаҳон чемпионати мезбонлиги расман Саудия Арабистонига топширилди.