Umarovning kutilmagan ishlari, IIVdagi tayinlovlar, Mirziyoyevaning minnatdorligi va boshqa xabarlar

20 iyul kuni ham nihoyasiga yetyapti. Quyida bugunning eng muhim voqelariga qisqacha to‘xtalib o‘tamiz.

Prezident Mirziyoyevning kuyovi jarimaga tortildi

Bugun "Ozodlik" radiosining ijtimoiy tarmoqlardagi sahifasida O‘zbekiston Respublikasi Prezidenti Shavkat Mirziyoyevning kenja kuyovi, Prezident xavfsizlik xizmati rahbari o‘rinbosari, Triatlon federatsiyasi Prezidenti Otabek Umarovning Toshkent shahri ko‘chalarida Tesla rusumidagi avtomobilning tezligini belgilangandan bir necha barobar oshirib haydayotgani tasvirlangan video tarqaldi. 

Unda qayd etilishicha, Otabek Umarov xizmat avtomobilida bo‘lmagan. U avtomobil tezligini soatiga 201 kmgacha oshirgan.

Bugundan Registonga kirish vaqti cheklandi

Registon ansambli ma’muriyatining ma’lum qilishicha, “Sharq taronalari” xalqaro musiqa festivaliga tayyorgarlik ko‘rish munosabati ansamblga faqat 11:00 dan 17:00 gacha kirishga ruxsat beriladi.

Qolgan vaqtlarda ansamblda “Sharq taronalari”ga tayyorgarlik ko‘riladi.

MTV: Poraxo‘rlikda ayblangan Uchtepa MTB mudiri prokuraturaga shikoyat qildi

Joriy yilning 2 iyul kuni Facebook ijtimoiy tarmog‘ida Toshkent shahar, Uchtepa tumani maktabgacha ta’lim bo‘limi mudiri Nargiza Xonto‘rayeva anonim shaxs tomonidan korrupsiyada ayblangan. Shuningdek, uning bu ishlariga vazirlik, xususan vazir Agreppina Shin tomonidan ko‘z yumib kelinayotganligi haqida bir necha marta anonim post qo‘yildi.

Maktabgacha ta’lim vazirligi garchi anonim murojaatlar ko‘rib chiqilmasligi qonunda ko‘zda tutilgan bo‘lsada, bu holatni chuqur o‘rganib chiqdi va natijalarni ma’lum qildi.

Otabek Umarov haydovchilarning “tonirovka” bo‘yicha talabini olqishladi

O‘zbekiston Respublikasi Prezidenti Shavkat Mirziyoyevning kenja kuyovi, Triatlon federatsiyasi raisi Otabek Umarov odamlar orasida muhokamalarga sabab bo‘layotgan “tonirovka” masalasiga o‘z fikrini bildirdi.

“Menga Instagram`dagi sahifam orqali bahsli mavzu — “tonirovka” borasida juda ko‘p murojaat kelib tushmoqda. Shu sababli va bu aktual mavzuning qisman xavfsizlik masalasi bilan bog‘liqligi uchun o‘z fikrimni bildirishga qaror qildim. Fikrimcha, “tonirovka” mavzusi O‘zbekiston sharoitida dolzarb va o‘rinli ko‘tarilgan. Chunki yurtimizda iqlim sharoiti yoz oylari, ayniqsa, chilla payti juda og‘ir bo‘ladi.

IIVda 4 nafar yangi rahbar tayinlandi

O‘zbekiston Respublikasi Ichki ishlar vazirligining hududiy tizimida navbatdagi lavozim tayinlovlari amalga oshirildi. Zarafshon, Nurafshon, Bekobod shaharlari va Xatirchi tumani IIBga yangi boshliqlar tayinlandi.

Diqqat, abituriyentlar Ruxsatnoma tarqatish boshlandi

Bugun, 20 iyuldan 2019/2020 o‘quv yili test sinovlarida ishtirok etish uchun “Abituriyent ruxsatmasi”ni tarqatish boshlandi. Bu haqda Oliy va o‘rta maxsus ta’lim vazirligi Matbuot xizmati xabar berdi. 

“Abituriyent ruxsatmasi”ni tarqatish quyidagicha amalga oshiriladi:

Abituriyentlar Davlat test markazining ruxsatnoma.dtm.uz veb-sayti orqali pasport (yoki tug‘ilganlik haqida guvohnoma) seriyasi va raqamini kiritgan holda “Abituriyent ruxsatnomasi” va “Abituriyentga eslatma”ni chop etib olishlari mumkin. 

Erdo‘g‘anning o‘g‘li Toshkentga nega keldi?

Poytaxt Toshkentda zamonaviy kamondan otish sport bazasi barpo etildi. Uning ochilish marosimida Turkiya Respublikasi Prezidenti Rajab Toyib Erdo‘g‘anning o‘g‘li – Butunjahon etnosport Konfederatsiyasi prezidenti Bilol Erdo‘g‘an ishtirok etdi.

Saida Mirziyoyeva Alisher Usmonovning rafiqasiga minnatdorlik bildirdi

O‘zbekiston Respublikasi Prezident Shavkat Mirziyoyevning to‘ng‘ich qizi, Axborot va ommaviy kommunikatsiyalar agentligi direktori o‘rinbosari Saida Mirziyoyeva Moskvaga bordi. U Moskvada tarixda ilk bor o‘tkazilayotgan yoshlar o‘rtasidagi badiiy gimnastika bo‘yicha jahon chempionatida ishtirok etyapti.

Video: IIB xodimining fermer bilan nima ishi bor?

Qashqadaryo viloyati Kasbi tumanida nimalar bo‘lyapti? Ijtimoiy tarmoqlarda Kasbi tumani fermerlari nomidan O‘zbekiston Respublikasi Prezidenti Shavkat Mirziyoyev nomiga yozilgan murojaat tarqaldi. Murojaatga video ham ilova qilingan.

Sirdaryoda dahshatli YTH. Qurbonlar bor

Kecha, 19 iyul kuni Oqoltin tumanida soat 5:20 da Buxoro viloyati Jondor tumanida yashovchi 25 yoshli Sh.D. Gazel rusumli mikroavtobusni “Alisher Navoiy” MFY hududidan o‘tuvchi “Termiz-Toshkent” yo‘lida haydab ketayotganda uxlab qolgan. Natijada yo‘l chetida to‘xtab turgan Navoiy viloyati Xatirchi tumanida yashovchi 34 yoshli R.M.ning Mercedes-Benz rusumli yuk mashinasining tirkamasiga urilgan.