Саида Мирзиёева Алишер Усмоновнинг рафиқасига миннатдорлик билдирди

Жамият

image

Ўзбекистон Республикаси Президент Шавкат Мирзиёевнинг тўнғич қизи, Ахборот ва оммавий коммуникациялар агентлиги директори ўринбосари Саида Мирзиёева Москвага борди. У Москвада тарихда илк бор ўтказилаётган ёшлар ўртасидаги бадиий гимнастика бўйича жаҳон чемпионатида иштирок этяпти.

Саида Мирзиёева гимнастика бўйича ЖЧда иштирок этаётган Ўзбекистон терма жамоасини табриклаб, мусобақа ташкилотчиси миллиардер Алишер Усмоновнинг рафиқаси Ирина Винер-Усмоновага миннатдорлик билдирди.

“Мамлакатимиз терма жамоасини куни кеча Москвада очилган ва тарихда биринчи бор ўтказилаётган юниорлар ўртасидаги бадиий гимнастика бўйича жаҳон чемпионатида иштирок этаётгани билан қутлайман.

Ўзбекистон шарафини 13-15 ёшли қизларимиз - Камила Абдуллаева, Нилуфар Аъзамова, Мадина Ирназарова, Мумтозабону Исҳоқзода, Мадина Юнусова ҳамда Таҳмина Икромова ва Ёсмина Раҳимова ҳимоя қилмоқда.

Етук мураббийлар Татьяна Кун, Валерия Грудняк, Раъно Муҳамедова, Елена Асланова ва Ирина Кудряшева муносиб спортчиларни – бўлажак Олимпия чемпионларини тайёрлаганига ишончим комил ҳамда ушбу мусобақа уларнинг фаолияти ва ҳаётида тарихий бўлишига умид қиламан.

Омад сизга, азиз ҳамюртлар!

Бундай ажойиб тадбирни юқори даражада ташкил этгани учун Ирина Винер-Усмоновага алоҳида миннатдорлик билдираман!

Бу ерда мен кўп карра жаҳон ва Европа чемпионлари, эгизак опа-сингиллар – мафтункор Дина ва Арина Авериналар билан танишдим”, деган Мирзиёева ижтимоий тармоқдаги саҳифасида.

Маълумот учун, юниорлар ўртасидаги бадиий гимнастика бўйича жаҳон чемпионати илк марта ўтказиляпти. Унда 61 мамлакатдан гимнастлар иштирок этяпти.


Мақола муаллифи

Теглар

Баҳолаганлар

343

Рейтинг

3

Мақолага баҳо беринг

Дўстларингиз билан улашинг