Madrimov bilan klassik jang ko‘rsatamiz – Ortis

Boks bo‘yicha super yarim o‘rta vazn toifasida WBC Interim kamari sohibi Virjil Ortis bo‘lajak raqibi, o‘zbeksitonlik Isroil Madrimovga qarshi jang haqidagi fikrini bildirdi.

“Men har qanday chaqiruvni qabul qilaman. Ushbu kardda ekanimga tashkilotchilardan minnatdorman. Bu yerda bo‘lish men uchun katta sharaf. Men eng yaxshilar bilan jang qilmoqchiman. Bu aynan kim bo‘lishi muhim emas. Bogachukdan keyin Krouford bilan jang o‘tkazmoqchi edim. Buni amalga oshirishning imkoni bo‘lmadi. Endi Madrimov bilan jang qilaman. Men o‘tmishdagi mashhur bokschilardek nom qozonishni xohlayman. Bu mening asosiy maqsadim. Isroil bilan klassik jang ko‘rsatamiz. Madrimov tajribali bokschi va men unga qarshi ringga chiqayotganidan xursandman", deydi Ortis.

Ma’lumot o‘rnida, Isroil Madrimov va Virjil Ortis o‘rtasidagi jang 22 fevral kuni Ar-Riyod shahrida WBC'ning vaqtinchalik chempion kamari uchun bo‘lib o‘tadi. Ushbu kechaning markaziy jangida yarim og‘ir vazn toifasida mutlaq Jahon chempioni Artur Beterbiyev hamyurti Dmitriy Bivolga qarshi barcha kamarlarini himoya qiladi.

Eslatib o‘tamiz, avvalroq, har ikki bokschi jangoldi “nigohlar to‘qnashuvi”da ishtirok etgani haqida xabar qilingandi.