Mahsa Aminining ona shahri internetdan uzilib, xavfsizlik kuchaytirilgani aytilmoqda

O‘limidan so‘ng Eron bo‘ylab tartibsizliklar yuz bergan Mahsa Aminining ona shahri, mamlakat g‘arbidagi Kurdiston viloyatining Sekkez shahrida internet o‘chirilgani va sekinlashtirilgani haqidagi xabarlar haqiqatga to‘g‘ri kelmaydi. Viloyat gubernatori Ismoil Zarey Kosha bugun, 26 oktyabr kuni ijtimoiy tarmoqlarda shahar internetdan uzilib, xavfsizlik kuchaytirilgani haqida tarqalgan xabarlarni rad etdi, deb yozmoqda “Mehr” agentligi.

Ijtimoiy tarmoqlardagi xabarlar mualliflariga ko‘ra, cheklovlar Aminining ota-onasi Sekkezda uni xotirlash uchun o‘tkazgan motam tadbirlari bilan bog‘liq. 

“Sekkezda g‘ayrioddiy holat kuzatilmayapti, barcha yo‘llar transport harakati uchun ochiq. Internet cheklanmagan, odamlar to‘planishi kuzatilmayapti”, deydi gubernator.

Bundan tashqari, gubernator Sekkezda Erondagi taniqli shaxslar to‘planishi haqidagi xabarlarni rad etdi.

“Ijtimoiy tarmoqlardagi yolg‘on xabarlarga qaramay, Sekkez shahrida vaziyat tinch ekanini tasdiqlaymiz. Qirq kunlik motam o‘tkazish biz uchun odat emas, ammo hohlaganlar uchun hech qanday taqiq yo‘q. [Marhumning] oilasi bunday marosimni e’lon qilmagan”, deydi u.

Eslatib o‘tamiz, joriy yilning 16 sentyabr kuni Eronda axloq politsiyasi tomonidan noto‘g‘ri hijob kiygani uchun hibsga olingan 22 yoshli talaba Mahsa Amini vafot etdi. Uning vafotidan so‘ng mamlakatda norozilik namoyishlari boshlandi.

Namoyish sifatida butun mamlakat bo‘ylab ayollar hijobni yoqib, sochlarini kesmoqda. Ushbu norozilik dunyoning boshqa mamlakatlarida ham aks-sado bermoqda. Namoyishchilar ko‘chalarni to‘sib, xavfsizlik kuchlariga tosh otdi, politsiya mashinalari va axlat qutilariga o‘t qo‘ydi, hukumatga qarshi shiorlar aytishdi.

Amini o‘tgan hafta poytaxtda Eron axloq politsiyasi tomonidan ayollarning sochlarini hijob yoki ro‘mol, qo‘l va oyoqlarini keng kiyim bilan o‘rashni talab qiluvchi qonunni buzganlikda ayblanib hibsga olingan edi. 

Qo‘lga olinganidan uch kun o‘tgach, Amini vafot etdi. Rasmiylarga ko‘ra, o‘limga "yurak yetishmovchiligi" sabab bo‘lgan. Ammo marhumning qarindoshlari qizning yuragida hech qachon muammo bo‘lmaganini da’vo qilmoqda. Ular jabrlanuvchini kaltaklash oqibatida vafot etgan, deb taxmin qilmoqda. 

BMT Inson huquqlari bo‘yicha Oliy komissari vazifasini bajaruvchi Nada Al-Nashif Amini politsiya tomonidan kaltaklangani haqidagi xabarlarga ishora qildi.

Amerika Qo‘shma Shtatlari hibsga olingandan keyin vafot etgan eronlik Mahsa Amini o‘limi sababli Eronning axloq politsiyasiga qarshi sanksiyalar kiritdi. Keyinroq Kanada ham bir necha o‘nlab Eron rasmiylari, biznes vakillari, shuningdek, Eron axloq politsiyasiga qarshi sanksiyalar joriy etishga qaror qildi.

Tehronda Eron axloq politsiyasi tomonidan Islom Respublikasining qattiq kiyinish qoidalarini buzgani uchun hibsga olinganidan keyin komaga tushib, vafot etdi.

Eronda uning o‘limidan so‘ng butun mamlakat bo‘ylab misli ko‘rilmagan norozilik to‘lqini kuzatildi, so‘nggi to‘rt hafta ichida kamida 233 namoyishchi halok bo‘ldi.

Namoyishchilar politsiya va “Basij” militsiyasi a’zolariga hujum qilgan, Qur’onni tahqirlagan, masjidlar va hukumat binolariga o‘t qo‘ygan, hijobli ayollarga hujum qilgan, tez yordam mashinalari va yoqilg‘i quyish shoxobchalariga hujum qilingan. Ishtirokchilar Eronning turli shaharlarida hibsga olindi.