Xitoy TIV Baydenni kutilgan g‘alabasi bilan tabrikladi
Olam
−
13 noyabr 2020 3327
Xitoy Tashqi ishlar vazirligi AQSH prezidentligiga demokratlardan nomzod bo‘lgan Jozef Baydenni saylovdagi kutilgan g‘alabasi bilan tabrikladi. Bu haqda "The Paper" nashri xabar bergan.
"Biz Amerika xalqining tanlovini hurmat qilamiz hamda janob Bayden va Xarris xonimni tabriklaymiz", deyilgan TIV xabarida.
Diplomatlar, shuningdek, Xitoy Hukumati saylovlarning rasmiy natijalari AQSH qonunchiligining o‘ziga xos xususiyatlari tufayli keyinroq e’lon qilinishini tushunishini ta’kidlagan.
Ma’lumot uchun, AQSHda 3 noyabr kuni prezidentlik saylovlari bo‘lib o‘tdi. Davlat rahbari lavozimiga demokrat Jo Bayden va amaldagi Prezident, respublikachi Donald Tramp da’vogarlik qildi.
7 noyabr kuni Amerikaning yetakchi ommaviy axborot vositalari ABC News, CNN, AP va NBC saylovlarda demokrat Jo Bayden g‘alaba qozonganini e’lon qildi. Natijalar hali rasman e’lon qilinmagan.
Live
Barchasi
