Karpin A Seriyada ishlashi mumkin edi – Shomurodov
Sport
−
17 noyabr 2022 3976
Italiyaning "Roma" klubi va O‘zbekiston milliy terma jamoasi hujumchisi Eldor Shomurodov Rossiya bilan bo‘lajak o‘yin va ruslar termasi bosh murabbiyi Valeriy Karpin haqida fikr bildirdi.
“Rossiya bilan o‘yin oldidan hech narsa deya olmayman, chunki biz ular bilan avval o‘ynamaganmiz. Qiziqarli o‘yin bo‘lishini kutyapman", deydi Shomurodov.
"Roma" a’zosi shuningdek, Rossiya terma jamoasi bosh murabbiyi Valeriy Karpin bilan bog‘liq xotiralari bilan ham o‘rtoqlashdi.
"Yevropada o‘ynay boshlaganimda uning ko‘p maslahatlari muhitga ko‘nikishimga yordam berdi. Uning tavsiyalari orqali men Yevropaga tezroq moslashdim. Karpin A Seriyada ishlashi mumkin edi", deydi futbolchi.
Eslatib o‘tamiz, Shomurodov 2017 yildan 2020 yilgacha Valeriy Karpin murabbiylidagi "Rostov"da to‘p surgan, shundan so‘ng Italiyaning "Jenoa" klubiga o‘tgandi. Hozirda futbolchi Rimning "Roma”sida to‘p tepmoqda.
Eslatib o‘tamiz, O‘zbekiston va Rossiya o‘rtasidagi o‘rtoqlik o‘yini 20 noyabr kuni bo‘lib o‘tadi.
