Italiyaning ikki mashhuri Shomurodovga “og‘iz solmoqda”
Sport
−
25 dekabr 2022 33657
O‘zbekiston milliy terma jamoasi sardori Eldor Shomurodovga Italiyaning "Sampdoriya" va "Fiorentina" klublari qiziqishi bildirmoqda. Bu haqda Italiya matbuoti xabar berdi.
Futbolchi poytaxt klubi asosiy tarkibidan muqum o‘rin topolmadi. Joriy mavsumda 27 yoshli hujumchi rimliklarning barcha turnirlarda sakkizta o‘yinida ishtirok etdi va bitta gol urdi.
Rimliklar Shomurodovni sotishga qarshi emas, ammo futbolchi uchun klub taxminan 10 million yevro olishni rejalashtirmoqda. Eldorga qiziqayotgan klublar esa bunday summani to‘lashga tayyor emas.
Avvalroq, OAV Shomurodovning "Torino"ga o‘tish niyati borligi haqida xabarlar tarqalgandi.
