“Kanonirlar” “tulkilar”ni o‘qqa tutdi
Sport
−
30 Oktabr 2021 2514
Bugun, Angliya Premer ligasining 10-tur o‘yinlariga start berildi. Dastlabki uchrashuvda “Lester” o‘z maydonida “Arsenal”ni qabul qildi va mag‘lubiyatga uchradi.
Birinchi taymning 5-daqiqasidayoq burchakdan yetkazib berilgan to‘pni londonliklar himoyachisi Gabriel darvozaga aniq yo‘llab, hisobni ochdi. 18-daqiqaga kelib, “Arsenal” tezkor qarshi hujumdan so‘ng, ikkita gol farqi bilan oldinga chiqib oldi. Bu safar Emil Smit-Rou Kasper Shmeyxelni ojiz qoldirdi.
Ikkinchi taymda har ikki jamoa qanchalik harakat qilmasin, hisob o‘zgarishsiz qoldi – 0:2.
Mavsum avvalidagi salbiy natijalarga qaramasdan “kanonirlar” uchrashuvni ishonchli tarzda o‘tkazib, g‘alaba qozondi va turnir jadvalida vaqtincha 5-o‘ringa ko‘tarilib oldi.
Live
Barchasi
