Kanada rossiyalik sudya va prokurorlarni “qora ro‘yxat”ga kiritdi
Olam
−
15 noyabr 2022 1932
Kanada Rossiya sanksiyalari ro‘yxatini yana 23 ta nom bilan kengaytiradi. Bu haqda kecha, 14 noyabr kuni Kanada Bosh vaziri Jastin Tryudo matbuot xizmati tomonidan e’lon qilingan bayonotda ma’lum qilindi.
“Kanada ham ruslarga qarshi qo‘shimcha sanksiyalar kiritmoqda. Ular Rossiya adliya va xavfsizlik tizimi bilan bog‘liq bo‘lgan 23 kishiga ta’sir qiladi", deyiladi bayonotda.
Unda Ottavaga ko‘ra, Rossiya muxolifati yetakchilariga nisbatan inson huquqlari buzilishiga aloqador bo‘lgan huquq-tartibot idoralari xodimlari, prokurorlar, sudyalar, tergovchilar va qamoqxona xodimlariga nisbatan sanksiyalar qo‘llanilayotganiga aniqlik kiritiladi.
Kanada Tashqi ishlar vazirligi veb-saytida 23 ta nomdan iborat ro‘yxat e’lon qilingan, ammo lavozimlar ko‘rsatilmagan.
Eslatib o‘tamiz, 14 noyabr kuni AQSH ma’muriyati va Yevropa Ittifoqi ham Rossiyaga nisbatan sanksiyalarni kengaytirgan edi.
Live
Barchasi07 noyabr 2023
07 noyabr 2023
07 noyabr 2023
