Qozog‘istonlik Olimpiada chempioni qancha pul mukofoti oladi?

Qozog‘istonlik figurali uchuvchi Mixail Shaydorov 2026 yilgi qishki Olimpiada o‘yinlarida qo‘lga kiritgan g‘alabasi uchun rasmiy pul mukofoti oladi. Bu haqda “NUR.KZ” xabar berdi.

Qozog‘iston Respublikasi Madaniyat va sport vazirligi buyrug‘iga ko‘ra, mamlakat vakillari Olimpiada oltin medalini qo‘lga kiritgani uchun 250 ming AQSH dollariga teng miqdorda mukofot puli olish huquqiga ega. 

Taqqoslash uchun, O‘zbekiston 2024 yilgi Parij yozgi Olimpiadasi chempionlariga hukumat tomonidan 200 000 AQSH dollarilik bir martalik pul mukofoti berilgan.

Hozirgi valyuta kursi bo‘yicha Shaydorov taxminan 123,7 million tenge miqdorida mukofot oladi. Uning medali hozircha Qozog‘iston terma jamoasi uchun 2026 yilgi o‘yinlardagi yagona medal bo‘lib turibdi.

Shuningdek, shunga o‘xshash to‘lovlar Olimpiada g‘oliblari va sovrindorlarining murabbiylariga ham beriladi.

Eslatib o‘tamiz, joriy yilning 13 fevral kuni 21 yoshli figurist 1994 yildan so‘ng Qozog‘iston tarixidagi ikkinchi Qishki Olimpiada chempioniga aylandi.