Qozog‘istonda parlament saylovlari bo‘lib o‘tmoqda

Bugun, 19 mart kuni Qozog‘iston parlamenti quyi palatasi (Majilis), shuningdek, mahalliy hokimiyat organlari deputatlari saylovida ovoz berish boshlandi. Bu haqda “Central Asia” nashri xabar berdi.

“Hozirga qadar mamlakatimizda 8,3 mingga yaqin saylov uchastkasi ochilgan, 12 ta xorijiy davlatda yana 13 ta saylov uchastkasi faoliyat yuritmoqda”, deya xabar qilgan mamlakat Markaziy saylov komissiyasi.

Qozog‘istonda yana kun bo‘yi jami 10 mingdan ortiq, undan tashqarida esa 77 ta saylov uchastkasi ochiladi.

Qayd etilishicha, Majilis deputatlarining 70 foizi partiya ro‘yxati bo‘yicha, 30 foizi bir mandatli okruglardan saylanadi. Majilis 98 ta deputatdan iborat.

Shuningdek, mahalliy hokimiyat vakillik organlariga (maslihatlarga) saylovlar 50 foizdan 50 foizgacha bo‘lgan nisbatda aralash tizim bo‘yicha o‘tkaziladi.

Saylovda yettita partiya ishtirok etmoqda: “Amanat”, “Auil”, “Respublika”, Qozog‘iston xalq partiyasi, “Baytak”, “Ak Jol”, Milliy sotsial-demokratik partiya.

Saylovchilar ro‘yxatiga 12 million 32 ming 550 kishi kiritilgan.