Qozog‘istonda G‘alaba kuni tantanalari o‘tkazilmaydi
Olam
−
08 may 2021 5937
Qozog‘istonda har yili an’anaviy ravishda o‘tkaziladigan G‘alaba kuni tantanalari mamlakatdagi og‘ir epidemiologik vaziyat tufayli joriy yilda o‘tkazilmaslikka qaror qilindi. Bu haqda “Interfaks” xabar bermoqda.
Davlat rahbarining Matbuot kotibi Berik Ualining Facebook’da yozishicha, Prezident o‘z vatandoshlariga tabrik bilan murojaat qiladi. Shuningdek, u faxriylarga moddiy yordam ko‘rsatilganini qo‘shimcha qildi.
Eslatib o‘tamiz, avvalroq Qirg‘iziston poytaxti Bishkekda ham yuzaga kelgan keskin epidemiologik vaziyat tufayli G‘alaba kunini nishonlash bekor qilingandi.
